WENDE NYASAYE 107 - 82

1. E dho wath man loka nam; Pewe rieny kuno maler Nitie duol moluongaee; nyaka aret adhi kanyo. Koro adhi ok adwar deko Nikech Ruoth e ma luonga We adhi nyak` awinj Ruodha Jopinywa koro oritu. 2. Awinjo Ruoth kowacho, Un jokeyo ret uru Nikech puothe nimabor, jopinywa we uru adhi. 3. E apaka mogingore bat moting`e ma neno Ne rangeye bende oyaw kendo jomolal luonga. 4. Wuonwa, minwa, nyithindwa nyaka agonu oriti Nikech dho wath nam mabor nitie tich ma Ruoth luonga. (Amin)

1. Winjuru sigandwa miwuoro, Ne wadak kuom jomo lal To Yesu nolor gi duong` mare, Warowa e twech malich.           Ng`a mowarowa e mudho?           (Mak mana Yesu ma nogur)           Notim`ang`o?           (Notho ni in!)           To en kanye?           (E polo `sayo ni ji)           (En malo e polo kosayo ni ji!). 2. Onge malaika mad konywa Mak mana Yesu Ruodhwa Ne gigure ka gikwede chuth To en achiel gi Wuongi. 3. Yie mond` ichiwri ni Jawarni! Yie ichiwri ne sani In bende nine ng`wono mare, Onyalo wari sani. (Amin)

1. En madhiyo tich gi chandruok, Ka oting`o koth hera, Ok ojogi kata nindo, Nikech ng`wono mar Nyasaye.           Neuru cham man e puothe,           Ka gidongo maber ngang`;           Neuru puothe two koro,           Nikech keyo chiegini. 2. Muya mar Nyasaye, lor kuomwa, Rieny maler machalo chieng`, Ni mondo wanyag olembe Gi teko mar Nyarombo. 3. Kik iol kuom chuoyo kodhi, Kik ibed gi luoro ngang`; Bedi janeno madieri, Iniyud mor kuom Ruodhi. (Amin)

1. Nitie luong mabiro ewi apaka, Kow ler kow ler Nitie chuny mi konyo gi chuny miwaro Kow ler kow ler.           Kow ler --- Injili mogwedhi Mondo orieny --- kuonde duto,           Kow ler --- mondo lerni orieny Omeny piny --- manyaka chieng`. 2. Wasewinjo luong mar jo Makedoni Kow ler kow ler Waketo misango e msalaba Kow ler Kow ler. 3. Walem ni gweth oumwa kwonde duto Kow ler kow ler Mondo much Kristo `landre kuonde duto, Kow ler kow ler. 4. Kik wajony mar lando tich mar herane, Kow ler kow ler Wachok lulu duto ni osimbewa Kow ler kow ler. (Amin)

1. Bende ipuonjo ji wach Nyasaye, gokinyi ka pod wang` chieng` nitie? Bende ipuonjo ji wach Nyasaye, owadwa e saa ma chieng` rieny makech.           Keyo koro kayo machiegni, (machiegni)           Kendo tich keyo biro rumo, (rumo chuth).           Keyo mari nobed nade chieng`no           Ma Ruoth choko keyo mar jotich duto. 2. Bende ipuonjo ji wach Nyasaye, gotieno ka piny oling` malich? Bende ipuonjo ji wach Nyasaye owadwa ne keyono madwong`maber. 3. Bende ipuonjo ji wach Nyasaye gi yorno maji nyalo winjo? Mond` ichok cham maber chieng` keyono, kawuono tim winjruok kod Ruoth Yesu. (Amin)

1. Teche duto onego liel, mudho ni e piny kae; Mudho maduong` nobed e piny ka Yesu pok obiro.           Los techeu, jowetewa;           Los techeu kugeno Ruoth;           Mond` oyud techewa kaliel           E chieng` ma Ruodhwa biro. 2. Nindo otero ji mang`eny, Gidagi wach Injili; To wan waketo genowa kuom wach mar duogo Yesu. 3. Tachwa ni wachne madieri, Ok wa nalal kwaluwe Kata masiche lworowa, ToYesu ok nowewa. 4. Tich maber onen pile, Mond` okwod wi jopinyni; Wanayud gweth kuom tich maber Ka yie oriwo chunywa. (Amin)

1. Yesu Kristo odwaro walem ndalowa duto te Ochiwo Muche ni jogo Madwaro tekone. 2. Yesu Kristo odwaro walame Mondo wabed matek; Miwa winj dwondi kawuono Kwatemo luwo ka. 3. Yesu Kristo odwaro walame nyaka chieng` giko piny; Eka kobiro omowa Noterwa e polo. 4. Yesu Kristo odwaro walame, Ndalono chiegini; Wamoruru kwatiyone, Kwakiyo birone. (Amin)

1. Jarit, go tung` mar Injili, Mond` inyis ji duto wach; Ma ka ng`ato osewinjo, Olokre ni mond` okwo. Jarit, go tung` mar Injili, Ka igoye gi teko; Nyasachi e mosechiki, Jo motwe giyud thuolo. 2. Mond` igoye e wi gode, Kendo e pewe duto; Kwonde duto, e ru ler duto, Mondo giwinj Injili. 3. Kendo igoye e gwenge, Kod wang`yore duto te; Mond` iland wach ni ji duto, Kaka Wuoro luongogi. 4. Jogo be ma ting` ohewo, Magombo yudo thuolo; Nyisgi kaka Ruoth Jawarwa, Wacho, "Biuru ira." (Amin)

1. Dhiuru, JoKristo, landuru e piny, Dhi gi Wach mar Nyasaye ni jo makiya; Yesu ni Jatendu ka mudwaro dhi; Puonjuru ji duto, En notho nigi.           Dhiuru Jo Kristo, landuru e piny,           Dhi gi wach mar Nyasaye ni jo makiya. 2. Satan ni jasigu moriwu e yo; To unyalo riembe gi teko Yesu; Kik uluor, JoKristo, dhiuru gi chir; Kik uluor, chiedhuru,Yesu ni kodu. 3. Oganda jo Nyasaye mosetelonwa, Wan waluwo bang` gi e wang`yo achiel; Ok wapogre kodgi; wan gi yie achiel; Kuom dini gi genruok, wan achiel kodgi. 4. Weruru, JoKristo, beduru mamor; Wendeu medo duong` ni Kristo Jawar. Pak, gi duong`, gi teko, ni Yesu ma Ruoth, Un gi malaika pake nyaka chieng`. (Amin)

1. Chunya, mondo ichiew koro, Tim teko e tichni; Ked Lweny maber ni Yesu Ruoth, Niyudi osimbo. 2. En dwond Nyasaye moluongoi, Kowuoyo e chunyi; Tim kinda nyaka giko, to Noruaki dalane. 3. Joneno to nitie mang`eny mang`iyoi pile; Weche mokadho, kiki par, To teg wang`i nyime. 4. Teko mwakedogo e lweny, Wayudo kuomi, Ruoth Kamano bende kwaloyo, Locho ni mari, Ruoth. (Amin)

1. Jo maler mag Nyasaye, e wachne maler Oketonu mise madier mar genruok; Jogo maringo ir Yesu ma Jawar, Omiyogi singruok maber moloyo. 2. "Kik iluor, an kodi, chunyi kik oa; An ma Nyasachi, pod ayie konyoi; Nategi, nakonyi, mondo itim chir; Kipadori kuoma, lueta nosiri. Kipadori kuoma, lueta nosiri." 3. "Kata kikadho e masira malich, Kata kuyo mapek ok noneg chunyi; Anabed kodi, nagwedhi e chandruok; Hapa nobed kodi e chandruok malit. Hapa nobed kodi e chandruok malit." 4. "Ka Satan otemi gi temruok mager, Ng`wonona oromi; namiyi loyo; Kuom temruok magerno machalo gi mach, Adwaro pwodhi mond` ibed maler chuth." (Amin)

1. Chunya, mond` iritri, Wasigu lworoi; Gitemo loyoi pile Mondo itim richo. 2. Ritri galam; kedi, Ni kik ogoyi piny; Kedi matek ndalo duto, Kikwayo kony Nyasaye. 3. Locho pod ni nyime, Rit gi lwenji maber; Tim kinda, Lweny ok enorum Nyaka`iyud osimbo. (Amin)

1. Ok ageno gimoro ngang`, To remb Yesu kod dimbruokne; Ok dak agen ng`ato moro, Ayiengora kuom nying Yesu.           Kuom Lwanda Yesu achungo,           En kende manyalo geno,           En kende manyalo geno. 2. Kata mudho umo wang`a, Apadora kuom ng`wonone; En ok onyalo lokore, En loch mak nyal pudhore. 3. Rembe gi misango mare E ma ageno chutho ka; Gik man e piny kadho duto, Ruoth Jawarna e moroma. 4. En ka nobi kigoyo bu, Mond` oyuda ka an ng`ate; Koruaka gi dimbruok mare Nabed maler e nyim kom duong`. (Amin)

1. Chunguru matek kuom Ruoth Nyasachwa, Kuneno chandruok, ka temruok biro; En e tekowa, bende ngimawa Ka richo dwaro lowa.           Wachunguru matek, wachunguru matek,           Kuom Kristo ma Lwandawa;           Ka wadhil e lwenjwa,wanabed gi mor,           Kod jogo molworo kom duong`. 2. Chungi kuom adier kiwuotho e piny, Bed gi chuny maler kod yie motegno; Kwageno Ruodhwa, wanalo chutho Richo duto manie piny. 3. Chung` matek, gene, nomiyi loyo; Enoriti pile e piny marach; Kristo Ruoth kende mamiyi yueyo Ka chandruok mar piny rumo. (Amin)

1. Rituru, lemuru , Kapod kinde nite, Ndalo odong matin, Nyaka Ruodhwa Nobi; Ringruok dhano onyap, Jasikwa en otek; Lemuru  kurito biro mar Yesu Ruoth.           Warit, Walem, Warit, Walem;           Watim  kinda nyaka chieng` Ruodhwa biro;           Warit gi lemo. 2. Nindo kik mak wang`wa, Chunywa  kik go kiawa; To osesingonwa  ngima ma nyaka chieng` ; Remb Yesu nochwernwa nochandore ni wan; Watim kinda Koro, Kik othonwa nono. 3. Genuru Yesu chuth, Enobed tekowa; Watwe gi lwenjewa, Jasigu ni butwa; Kinde mapod odong`  kik kadhonwa nono, Nyaka Ruodhwa no bi to warite galam. (Amin)

1. Chungi, jakristo, Ne jasiki cha; Bedi ka jachir mar Yesu, Kik iluor Satan kata tekone; Gen Yesu Kristo Gi wach Nyasaye.           A e nindo, Bedi ka jakedo;           Chungi, Kedi Wanalo Satan,           Kik waluore,  Yesu ni jatelo           Oseloyo lweny gi  Tekone. 2. Kaw okumba yie, Gi ogut Konyruok, Kendo ligangla mar  Muya, Kik iwe lamo ma nitekoni; Yesu okonyo askeche. 3. Wuothuru matek kik uol eyo; Yaluru pile wach Nyasaye. Un kuti maber, Chieng` kobiro Unubed  kode e ngimane. (Amin)

1. Wagedi e lwanda mangima, kuom Yesu lwanda mochwere; En kar Konyruokwa e piny marach, ka yamb temruok okudho.           Waged e Lwanda, (Waged e  Lwanda, Lwanda motegno),           Waged e... Lwanda.waged e lwanda,  Lwanda motegno,           Kristo e Lwandano. 2. Moko gedo kuom kuoyo mayom, Gigeno mwandu mar pinyni; Moko ketore kuom timbe piny, kuom morne to gi gombo. 3. Wageduru kuom Lwanda matek,en mise ma ok nomukre; En gi migeno ma nyaka chieng`, Genruok mar warruok marwa. (Amin)

1. Awuotho kachiko polo, pile amedo chorora; Akwayo Ruoth ndalo duto, "Ruoth telna e yo mar polo".           Ting`a malo kendo chunga, kuom Yie, e dala me polo;           Kama malo moloyo  piny; Ruoth, taya e yo mar polo. 2. Chunya ok mor ka abedo kod kiawa gi luoro bende; E pinyni ok adwar dakie, Akwayi tera e polo. 3. Adwaro dak mabor gi piny, ka ma Satan ok ditema; Kuom yie awinjo  dwol mamit, dwond wend jo maler e polo. 4. Adwaro chopo e polo, Adwaro neno  ler polo; Analem nyaka achopie, "Ruoth telna e yo mar polo." (Amin)

1. Jarito mar dala Zayun, Giko piny donge chiegni? Ineno ranyisi koso Moserieny e wang`yori? Jawuoth, chungi, ing`i malo, Ler dwaro rienynwa koro; Ruakri gi law mar kisera, Piny oyawore koro. 2. Jarito, ne ler kabiro, Med menyo wang`yori; Ranyisi ni kwonde duto, Manyiso wach birone. Ka tung` mar polo noyuagi Jo maler ma nosetho Ginichier e tung` piny duto, Ginyud ngima mak rum. 3. Bed mamor, ler koro neno Mar ndalo maduong` mar Ruoth; Wanahul wachni gi teko: Pinyruoth koro chiegni. Jawuoth, ting` wang`i, ne loka; Duong` mar Kanaan fwenyore, Gi dala maber mar Nyasaye, -- En Jerusalem Manyien. 4. E dalano mar dhahabu, Wanane Ruoth mar Zayun Kobedo e kom mar duong`ne,koseruakore gi ler; E pinyruodhno mar Nyasachwa Mudho ok nobedie ngang`; Gik ma wang`wa pok oneno E ma wanane kuno. 5. Jarito, piny chiegni koro, Kod olembe mag ngima; En mana loka machiegni; Nitie puodho mar Eden. Winji wende ma giwero, Mayiecho yembe polo; Ne, ji tara; winji wendgi; Wabiro chopo kanyo. (Amin)

1. In migeno chamo mwandu me polo, Nang`o inindo kichiegni chopo? Chiew chunyi koro, twe gi lwenji duto; Tim kinda, to ndalo kadho piyo. 2. In migeno chamo mwandu me polo, Nang`o igalri kichiegni donjo? Chungi iikri, Jawarwa obiro; Iromne kolor e boche polo. 3. Timbe mag pinyni kik mond` olomb chunyi; Duto mag piny kadho kendo rumo; Chod oko gigo mosetweyo chunyi, Kigeno chopo kawo gikeni. 4. Wang`i kik riwni, to mond` ing`i malo, Kikiyo biro mar Ruodhwa maduong`; Ndalono chiegni, lerne dwaro neno; Waikre mar romo kod Ruoth gi mor. (Amin)

1. Un jorit mar dala Zayun, Nyiswa wach mar otieno Ratego oneno koso? Piny dwaro runwa koso? Ka ung`iyo, dong uneno ler kawuok? Ka ung`iyo, dong uneno ler kawuok? 2. Weche piny donge nyisowa, Wuodhwa ka ogik rumo Wachiegni gi polo koso? Wang`wa donge omake? Wanyal geno, ka pinyruoth polo chiegni? Wanyal geno, ka pinyruoth polo chiegni? 3. Ler orienynwa, Ruodhwa biro! Onego waland wachno Ratego koro oneno, Polo ku orieny maler Wamoruru, warruokwa koro chiegni Wamoruru, warruokwa koro chiegni. 4. Waseyudo jatend wang`yo, Wang`eyo pinyno chiegni Wadhiuru nyime piyo, Wagik donjo ka mokuwe Waweruru, ka wajiwogo chunywa Waweruru, ka wajiwogo chunywa. (Amin)

1. Nyaka karang`o Ruodhwa, ma pod waritoi? Chunywa odoko mapek kuom rito bironi Chieng`no nobi karang`o Ma piny noyawrenwa, Mi lerni norieny kuomwa ,-- lerni ma nyaka chieng`? 2. Jawar, nibi karang`o, Ni mond` iom jogi? To wach makuyo chunywa -- Ji nok maritoi Jotichni josamuoyo, ji hero weche piny; Nitie ji manok  kende maritoi gi mor. 3. Chiew chuny jogi, Nyasachwa, kendo isiemgi chuth; Wachni odhi gi teko -- Jawarwa chiegni Walos techewa duto, kwaikre ni Ruodhwa; Walos chunywa makare mar neni wang` gi wang`. (Amin)

1. Kristo En jatelowa e lwenjewa, Ok waluoro dhiyo ka mochikowa; Kata ok wang`eyo gi man e nyimwa, Wanaluwe yo duto.           Wadhiuru Ruoth ochikowa; Wadhiuru kedo gi Satan;           Wadhiuru nyaka piny manyien, wanalo chutho kuom kristo. 2. Mond` wayal injilikuonde duto te; Eka wanakethi teko mar Satan; Kristo ma jatendwa oseloyo piny, wanaluwe yo duto. 3. Kata lweny otek, wang`eyo wanalo; eka wanamor kaachiel gi jomaler; Ka wariwo duondwa e wer mar locho, kwaluwe nyaka giko. (Amin)

1. Wakwayi, Ruoth, kuom tekoni Ma jogi chon nobedogo; Ma nojiwo chunygi chutho,Nokonyogi dhil e chandruok. 2. Ere muya ma nomiyo Ibrahim chir kuom chung` matek; Ma notego chuny Paulo be, Kopong`e gi teko maler. 3. Miwa tekoni, kaka chon Elija noyudo teko; Nonenore kuom Musa be, Nojiwo Ayub e temruok. 4. Par ndalogo machon, Ruodhwa, Chiw teko kendo jiw tichni; Kendo ka chunywa paroi Mond` iol Rohoni kuomwa. (Amin)

1. Keduru , Jo ka Yesu, Jokedo mag Kristo; Keluru kuodi magu, Makuru tong` gi luth. Yesu Jageng`a marwa, Otelonwa maber; Weuru luoro duto, Keduru ka mager. 2. Keduru, jo ka Yesu, Wasigu marwa kwiny; To Yesu En kokonywa Wanyalo loyo en; Satani ni wasigu Madwaro negowa; To ka walu bang` Yesu Wabiro hewo en. 3. Keduru, jo ka Yesu, Ndalo odong` matin; Tinde wadhi kedo, Kiny wadhi weyo lweny Mohewo e moyudo E polo gik mathoth; To nyaka chieng` e polo, Osiko kodi Ruoth. (Amin)